Білімі және ғылыми дәрежесі

2007 жылы сырттай аспирантураны аяқтағаннан кейін 06.02.01 – «Ауыл шаруашылығы малдарын өсіру, олардың селекциясы, генетикасы мен көбеюі» мамандығы бойынша «Аталық-буралардың көбею қабілеттілігі мен олардың жыныстық кезеңдегі жыныстық белсенділігінің динамикасы» тақырыбында кандидаттық диссертациясын сәтті қорғап, ауыл шаруашылығы ғылымдарының кандидаты ғылыми дәрежесін алған.

Ғылыми-зерттеу қызметі

Ізімғали Нұрымұлы – 200-ге жуық ғылыми және оқу-әдістемелік еңбектің, оның ішінде Scopus және Web of Science базаларында индекстелетін жарияланымдардың авторы. Бірлескен авторлықта 2 инновациялық  патенті бар:

•  Ретробульбарлық блокаданы қолдана отырып, түйелердің телязиозына диагностикалық материал алу тәсілі (2010 ж.);
• Кастрация алдында тұқымдық қошқарларды жалпы анестезиялау әдісі (2013 ж.).

Ғылыми жобаларға қатысуы

•  ҚР БҒМ Ғылым комитетінің 2012-2015 жылдардағы Гранттық қаржыландыру бағдарламасы аясында Батыс Қазақстан облысы жағдайында қазақ бактриандарының тұқымдық және өнімділік қасиеттерін жақсарту бойынша ғылыми жобаның орындаушысы;

• 2024-2026 жылдар аралығында BR24992892 ғылыми-техникалық бағдарламасы бойынша сүтті ірі қара малдың өнімділігін арттыру жобасының орындаушысы;

• Республикалық бюджет есебінен қаржыландырылатын ғылыми жобалармен қатар, бактриандардың репродуктивтік қасиеттерін зерттеу және ветеринария саласындағы инновациялық әдістерді әзірлеу бойынша бастамашылық зерттеулерге жетекшілік етеді.

Ғылыми-редакциялық және сарапшылық қызметі

• 2016-2023 жж. – Жәңгір хан атындағы БҚАТУ-дың «Ғылым және білім» ғылыми-практикалық журналының ветеринария саласы бойынша сарапшысы;
• 2021 жылдан бері – Ресей Федерациясының Ұлттық кәсіби және қоғамдық аккредиттеу орталығының сарапшысы;
• 2022 жылдан – ҚР Ұлттық мемлекеттік ғылыми-техникалық сараптама орталығының сарапшысы;
• 2023 жылдан бастап – «БҚИТУ Хабаршысы» ғылыми-әдістемелік журналының шығарушы редакторы.

Ғылыми жетекшілігімен

8 магистрлік диссертация және 20-дан астам дипломдық жұмыс сәтті дайындалып, қорғалған.

Марапаттары мен атақтары

• Жәңгір хан атындағы БҚАТУ-дың 50 жылдық медалі (2013 ж.);
• Кеңес Одағының Батыры С. Рақымов медалі (2017 ж.);
• Ахмет Байтұрсынұлы атындағы Алтын медаль (2025 ж.);
• «БҚИТУ-ға 25 жыл» және «Жоғары инженерлік-технологиялық колледжге 25 жыл» мерейтойлық төсбелгілері (2025 ж.);
• ҚР Ғылым және жоғары білім министрлігінің «Ғылымды дамытуға сіңірген еңбегі үшін» төсбелгісі (2025 ж.);
• «Ауыл» партиясының 25 жылдық мерекелік медалі (2025 ж.).

Құрмет грамоталары мен алғыс хаттары

ҚР Білім және ғылым министрлігі (2006, 2020 жж.), Орал қаласы әкімдігі, университет басшылығы, әскери және қоғамдық ұйымдар тарапынан бірнеше мәрте марапатталған.

Ғылыми қоғамдарға мүшелігі

• 2014 жылдан бастап – Халықаралық Ақпараттандыру Академиясының корреспондент-мүшесі;
• 2022 жылдан бастап – «Ауыл» партиясының мүшесі;
• 2024 жылдан бастап – Қазақстанның Ұлттық аграрлық ғылым академиясының корреспондент-мүшесі;
• 2024 жылдан бастап – «Батыс Қазақстан облысының ветеринарлық дәрігерлері» қоғамдық бірлестігінің мүшесі.

Ауыл шаруашылығы ғылымдарының кандидаты, «Ветеринария және техносфералық қауіпсіздік» кафедрасының қауымдастырылған профессоры

Ғылыми жұмыс және халықаралық байланыстар жөніндегі проректор