Декан

Раманова Айгүл Абиболла қызы

ф.ғ.к., доцент, тілдер және менеджмент факультетінің деканы

 

Қымбатты достар!

Қазіргі заман дүние жүзінде білім мен ғылымның құндылығын тек мойындап қана қойған жоқ, ол адамзат құндылығының бөлінбес бір бөлігі екендігін дәлелдеп отыр.

«Қазақстан жолы – 2050: бір мақсат, бір мүдде, бір болашақ» атты Қазақстан халқына арнаған Жолдауында еліміздің Президенті Н.Ә.Назарбаев: «Біздің болашаққа салған жолымыз қазақстандықтар әлеуетін ашудың жаңа мүмкіндіктерін құрумен байланысты. XXI ғасырдағы дамыған елдер – бұл белсенді, білімді және дені сау азаматтар елі»,- деген болатын.

Батыс Қазақстан инновациялық – технологиялық университетінің тілдер және менеджмент факультеті – көп салалы, қазіргі заманғы материалды техникалық базамен қамтылған, бәсекелестік қабілетті, қарқынды дамып келе жатқан жоғары оқу орнының құрамдас бөлігі.

Факультеттің ерекше міндеті – «қоғамда лайықты орын алатын және ең қажетті тиімді әрекет етіп, терең ойлайтын, белсенді, жоғары білікті мамандарды дайындау».

Бүгінгі күні біздің факультетіміз Қазақстан экономикасының әртүрлі салаларына, қажетті 8 мамандық бойынша жоғары кәсіптік білім мамандарын дайындайды, ал біздің факультет қабырғасынан шыққан 15 мыңнан аса жоғары білікті мамандар – біздің баға жетпес мұрагерлеріміз, біздің кәсіби және рухани байлығымыз.

Біздің факультеттің даму қарқыны болашаққа сеніммен қарауға талпындырады. Болашаққа ұмтылу факультет ұжымы үшін – үздіксіз білім алуды қамтамасыз ету, халықаралық сапа стандартын басшылыққа алу, жаңа білім беру технологияларын енгізу, еңбек нарығында бәсекелестік қабілетті сақтау.

“Тілдер және менеджмент” факультетінде оқу – болашақ тұрақтылық кепілі.

Факультетке қош келдіңіз !