29-қазан күні «Педагогика және психология» кафедрасының оқытушылары А.Д. Ермекова, Б.Н. Амангелдиева, А.М. Сатыбалдиева, Ж.Е. Қадыржанова және «Жас психолог» үйірмесінің ұйымдастыруымен «Педагогика және психология», «Психология», «Мектепке дейінгі оқыту және тәрбиелеу» білім беру бағдарламасының 3-4 курс студенттері арасында «Әдіснама әлемі» тақырыбында сайыс сабақ «case-study»  формасында ұйымдастырылды. Сайыс сабақ  үш кезеңді қамтып, ғылыми зерттеу жұмысының жобасын жасау ұсынылды. Сайыс барысында студенттердің ғылыми, өзекті тақырыпты таңдауы, тақырыптың ғылыми құрылымы, әдістер туралы білімі, тәжірибелік жұмысты ұйымдастыру білігі, ғылыми жаңалағы критерийі бойынша білімдері бағаланды. Сайыс қорытындысында әділ-қазылар шешімімен «Қарама-қайшылық» тобы «Үздік жас зияткер», «Нысан» тобы «Үздік ғылыми жаңалық», «Болжам» тобы «Зерек жас ғалымдар» номинациясына ие болды. Сайыс сабақ барысында студенттердің ғылыми білімдерін шыңдау, зерттеу жұмысына қызығушылық тудыру, дағды қалыптастыру мақсаты өз нәтежесіне жетті.

                                                                                                                                                                                                                          БҚИТУ Жас ғалымдар кеңесі